أهلين يا احلى بنات
بعد ان تم عصر مخي مره اخرى
لقيت هالسالفه اخيرا ههههه
بخش في القصة على طول .
عشان ما اتفلسف عليكم واااااااااااااااااجد
واضيع وقتكم الثمين مع انفسكم بس هع
((الجو كان شتاء يعني مثل هالأيام , أذن الفجر وقام الوالد الله يحفظه توضأ وتسنّن في البيت وطلع للحوش وهو عند باب الحوش لاحظ شي غريب عند باب الشارع قرّب عنده ثم قرّب عنده عشان يشوف وش هالشي الغريب ألي عند باب الشارع ولّع اللمبه وأخيراً طلع
انزلوا تحت وبعرفون
بس ماهو مقلب والله
(((قطووووووووو ميوووووو)))
راسه معلق من تحت الباب وجسمه داخل عندنا .. معناه ان القطوووو دخل عندنا وجاء بيطلع دخل راسه لكن للأسف جسمه مادخل يعني راسه علق وماهو قادر يتحرك , أبوي حاول يطلعه بس ماقدر عاد راح للمسجد عشان يلحق صلاة الفجر , مسكين أبوي وهو يصلي قام يفكر بالقطو خاف عليه لايموت ويكسب أثم ..
أول ماقضت الصلاة راح للبيت عشان (القطوووووو) يووه يايبه حسستني أنه واحد من العيله..
ويحاول ويحاول لكن ما في فايدة
عاد راح يصحي أخواني عشان يفزعون معه هههههههههه ومحاولاتهم كلها بائت بالفشل..
قال أبوي روحو صحو أخوكم الأكبر , وصحووه
وصارو (( أربعة رجاجيل )) كل هذا عشان ((قطوووووو)) هع امحق
واحد يقول أرفع الباب والثاني يقول زحفه شوي , والثالث يقول جب مكنسه عشان يطلع
والهم صارت هوشه وش طولها ههههه
آخرررررررررر شي قال أبوي لازم نبلغ الدفاع المدني ههههههههههه
قالو : أخواني يبه تكلم جد؟!!
قال :الوالد إيييييه جد
قال : أخوي الأكبر يايبه جب نعال وصكه على راسه وهو بيطلع يايبه تراه قطوووو مريض منتف جرباااان حالته حاله
ابوي حرام مايجوز
وآخررررررررررررررر شي طلعوه من تعليقة الباب وأنحاش نحشه ياساااااااتر , كنه يقول هذي آخر مره أطب هالبيت هذي آخر مره أدخّل راسي من تحت الباب
توبه توبه توبه.
عاد أبوي أرتاح وأخواني قامو يلعنون ((القطوووو)) المسكين ألي صحاههم للمدرسه
وأخوي الأكبر مسكين راحت عليه ساعة نومه عشان يروح لدوام .
وأبوي ما خشع في الصلاة عشان كان يفكر في القطووووووو المسكين ......
والله انا مت من الضحك عليهم
الله عليك ياقطوووووو كل هذا سويته فيهم ..
